Direktor Bildung bei der OECD
Dottoressa e pedagogista
Neurobiologe und Hirnforscher
Uni mut y uni muta vën al mond cun potenzai. Potenziai ne n’ie mo nia capaziteies che on bele svilupà, ma puscibiliteies che on duc te nëus (datrai ti dijons nce talënc) y acioche na persona ie bona de svilupé chisc putenziei, di lascé flurì, adrovela la drëta cundizions.
Mutons y mutans tol da sé ora pea dut chël che ie de bujën! Na cultura de mparé dl flurì di potenziai crieia nsci dantaldut la cundizions, che mparé posse unì vivù coche n prozes de legrëza, criativ y che ispirea.
Cun na cultura de mparé dl flurì di potenziai ntendons na cultura che lascia pro varietà y che rënd puscibl l svilup di potenziai y dla cumpetenzes ndividueles – na cultura ulache uni mut*a se sënt avisa adrët y de utl nsci te si unicità.
Dantaldut se tratela che n se sënt sciazei y che n sënt de vester pert de na cumenanza. Leprò tochel nce che n à lerch de pudëi mparé do si nteresc, purvan ora y pudan fé esperienzes. De superé ndesfidedes reeles, sëurantò respunsabiliteies, mparé a ciafië cun rischs y falimënc – na cultura de mparé, che uel trasmëter cie che l uel di vester atives y criatifs tlo sul mond y arjunjan zeche de mpurtant deberieda cun d’autri.
Na luegia ulache mutons y mutans posse jì plu sot tl capì de chiche ëi ie. Na luegia ulache i possa mparé abiliteies y capaziteies per viver na vita cuntënta y cun senificat. Nia l savëi ora di libri ie tlo al prim post, ma la persona umana cun si potenziai ndividuei y manieres de crië.
I mutons y la mutans vën al mond cun na gran ueia de mparé y de descuvrì l mond y l ne n’ie nia na lege dla natura o n automatism genetich che chësta ueia se fërme o fine cun na cërta età. Sce i mutons y la mutans possa vester nstës al zënter de si svilup, po ne fina chësta ueia nia.
Nosc cervel ie dantaprima n organ de filtrazion y nia n organ de memorisazion. Dut chël che ne n’ie nia nteressant y de mpurtanza per n mut o per n jëun, vën filterà demez. Sce pruzesc de aprendimënt dëssa vester efetifs, muessi vester de mpurtanza per chël che mpera iust y l mplenì de legrëza.
Mutons y mutans ne vën nsci nia nseniei*des, ma udui*des coche criatëures de si troi de aprendimënt y coche scuvridëures criatifs*ves de duta si defrënta capaziteies y potenziai, ajache cie che n sënt coche mpurtant o cie che da legrëza ie n aspet dldut ndividuel! Chësc uel di che da uniun pea via l mpuls y la ueia per cie che l uel iust mparé, fé y descuvrì… y canche la ie nscila, ons tlo la cundizions otimeles per n mparé sot, che dura y cun legrëza, n mparé per la vita.
Uni mut*a vën acumpanià*eda ndividualmënter, usservan y pian su si nteresc per pudëi njinië la cundizions aldò, acioche l*a posse svilupé si talënc y nteligënzes.
Inwendig lernen - Die Verbindung von Lernen und Spiel
Sce mutons y mutans ie debereida te na grupa cun età defrënta, ie chësta l fonz per na gran varietà de nterazions sozieles, emozioneles, linguistiches y conitives. Ëi mpera damat gën da d’autri mutons, se urientea gën dai majeri, fej gën zeche cui mëndri. Chiche scota ncuei dantaldut su, a chël ti vën duman scutà su. Bele mé l fat che i majeri cëla y se cruzia di mëndri, porta pro a n grandiscim davani de cumpetënzes sozieles coche nce de flessibilità.
La ucajions per l svilup persunel ie automaticamënter majeres y plu varies. La grupa mescededa ti dà al*a mut*a for inò la ucajion de jì ite te n auter rodul, che se muda sibe ntan l ann tres deplù ucajions de juech te de pitla grupes, coche nce cun l passé di ani, canche l vën for inò do mëndri y i majeri passa inant te n’autra grupa.
Nce l sentimënt de cuncurënza se arbassa, ajache un per l auter iesi nce prutetëures, da ejëmpl y da judadëur.
Dal pont de ududa dl svilup de mparé la rujenedes ie l rujené y audì rujenan de majeri y spieghé ai mëndri ënghe n gran vantaje.
"Auch wenn es letzten Endes keine »Beweise« dafür gibt, so spricht manches dafür, dass das ursprüngliche Gruppenmodell, nämlich die altersgemischte Kindergruppe, Kindern ein reichhaltigeres Entwicklungsumfeld bieten kann als die gleichaltrige Gruppe.
"Il maggior perfezionamento dei bambini avviene attraverso le esperienze sociali. Consideriamo ora la costituzione di questa società di bimbi. Fu messa insieme per caso, ma per un saggio caso. Quei bambini che si trovarono riuniti erano di età varie (dai 3 ai 6 anni). I bambini sono sempre classificati per età; solo in poche scuole troviamo questo raggruppamento verticale nella stessa classe.
Ora dla perspetiva dl flurì di ponteziai, coche ënghe dal pont de ududa dl Coyote-Mentoring, vën i*la pedagogs*ghes udui*des coche partner dl dialog che ispirea, acumpaniadëures che nvieia a ndesfidedes y sustenidëures che dà curaje.
L*a acumpaniadëur*a usservea la capaziteies y abiliteies dl mumënt, pea su i nteresc y njinia cundizions per pudëi judé a se svilupé inant, acumpanian ndividualmënter, per nvië, ispiré y dé snait a jì permez a ndesfidedes nueves da chëles che i*les possa crëscer y nsci se svilupé inant, lauran nce sun la relazion cun uniun. L ne se trata nia de ti jì do ala aspetatives y ntenzions che n à nstës o che ie dates dant, ma de vester dldut presënc per l*a mut*a che n acumpanieia iust.
La ucajion de fé esperienzes diretamënter n cuntat cun la natura ie chël che passenea l plu pra nosc vester, son pu nce nëus natura. La natura pieta esperienzes sensorieles coche degun liber o auter post ie bon de pité: tofs, formes, fueres culëures y materiai che se muda for inò.
Al didancuei, ulache dut cant va tan debota y ulache suvënz fajons l’esperienza de udëi muto*ans “aslunei”, ti judel ai mëndri (y nce a nëus granc!) a usservé y viver l aspité, a mparé che i zitli dla natura à si tëmps da respeté. Usservé y viver chisc ritms nes juda ai sëurantò, vivan cun plu pesc te nëus nstësc.
La natura nes ie da model per l flurì di potenziai: la natura ie realiseda nstëssa y sustën nsci dassën l se realisé nstës nes judan a capì y a sentì che dut ie perfet nsci coche l ie, vën adurvà avisa nsci y che dut taca adum sun nosc planët.
Dut chësc porta a n liam sterch cun la natura, y savon che n cëla dantaldut mé sun zeche, canche n à nstës n nteres per chël, ajache n se sent de avëi da n fé limpea.
Davia che l ie de bujën de crëta, ncurajamënt y stima te na tel grupa acioche i putenziei de uniun posse flurì, ne vëniel nia a s’l dé cuncurënza, prescion y nsci valutazions. L se muda la maniera de rujené y scuté su, n generel la comunicazion y l usservé, sibe danter mutons che cun i acumpaniadëures, che se urientea dantaldut sun i ponc de forza de uniun y tën su la denità de uniun. N ti rujené al mut udan si ponc de forza lascia nascer de bona relazions che ie la basa per la motivazion, mpëni y n mparé che buta. L lascia nascer tl mut sentimënc positifs che ti dà crëta te sé y curaje per ti vester a d’uni sort de ndesfidedes.
Dut chësc se lascia abiné adum tla parola amor. L amor ie la basa de dut cant y deberieda ulons nia mé l di, ma nce nvië via n viver y sté deberieda scumencian coche prim a vester plu daulëibon cun nëus nstësc y a nes avëi plu gën. Nsci sons anjiniei a nes giaurì nce a relazions cun d’autri y a n viver cun vivanda te na cumenanza n armunia.
"Die wirkungsvollste Alternative zu Lob und Tadel in der Familie ist die echte, persönliche Rückmeldung, »Das gefällt mir, das gefällt mir nicht«, »Das mag ich, das mag ich nicht«. Handeln wir authentisch, fühlt sich das für uns selbst und unsere Kinder ganz anders an, als wenn wir Rollen spielen, zum Beispiel die des verständnisvollen Vaters oder die der konsequenten Mutter. Es reicht völlig aus, wenn wir so sind, wie wir sind, denn damit haben wir meiner Meinung nach schon genug zu tun.
Acioche muto*ans y jëuni*es posse mparé per la vita canche i ie a “scolina/scola”, ulons tò ite la vita tla “scolina/scola”, fajan ativiteies y mparan cosses de utilità direta per la vita. Dajon p.ej. gran mpurtanza al mparé a cuncé zeche, per n viver plu sustenibl ma tl medem mumënt nce per renfurzé l sentimënt de vester bon de se arangë, zënza messëi for cherdé zachei, che auza dassënn la autostima. Pona sambën nce ala autonomia te deplù ciamps y a l se cruzië dla cosses plu de basa per viver, dl’alimentazion, dla sanità y n.i., per sé nstës y po’ nce per/cun i autri tla cumenanza.
Tl medem mumënt va la “scolina/scola” ora tla vita reela, fajan for inò vijites y proiec che vën a sl dé te d’autri posć, acioche la vita nstëssa posse fé dumandes y manco n liber o na plata de eserzizies.*
Te chësta arees reeles de esperienza vëniel tëut respunsabiliteies y purvà abiliteies democratiches. N afruntea for inò problems che n cëla de ressolver, chiran y abinan dant o do soluzions. Tlo crëscen, tlo possa se furmé l respet, coche nce l curaje de avëi vijions y n cuer sterch. Chësc à scialdi da n dì sce la vita vën afrunteda cun ardimënt…
*Dut chësc te uni fascia d’età n pue’ te n’autra maniera y cun n’autra mesura.
“L’educazion ie l mpië de na flama, nia l mplenì de n tëidl”
Gerald Hüther, Marcell Heinrich, Mitch Senf: #Education For Future - Bildung für ein gelingendes Leben
Gerald Hüther: Weshalb wir ein neues Verständnis vom Lernen brauchen. Sieben Thesen zu einem erweiterten Lernbegriff und eine Auswahl von Beiträgen zur Untermauerung
Gerald Hüther & Uli Hauser: Die angeborenen Talente unserer Kinder und was wir aus ihnen machen
(Biblio Sëlva)
Gerald Hüther, Christoph Quarch: Weil Leben mehr als Funktionieren ist
Vivian Dittmar, Virani Amana: Wie Kinder emotionale & soziale Kompetenz entwickeln
Jon Young, Ellen Haas, Evan McGown: Grundlagen der Wildnispädagogik: Mit dem Coyote-Guide zu einer tieferen Verbindung zur Natur
Gesellschaft und Bewußtseinswandel: Erziehung, Politik, Theologie, Ökologie und Sexualität.
Montessori Maria: Scritto dopo la terribile esperienza di guerra, questo libro segna il tentativo di delineare attraverso l'educazione i tratti di una comunità mondiale pacifica e armonica.
Herbert Renz-Polster:
Born to be wild - Wie die Evolution unsere Kinder prägt.
(Biblio Sëlva)
Rico Cathomas, Werner Carigiet: Zwei- und mehrsprachige Erziehung in Familie und Schule
Achtsamkeit der neuen Zeit
Wir gestalten Schule heute so, wie sie morgen sein sollte.
Bildungsblog für Potenzialentfaltung an der Volksschule
Liebevoll.jetzt ist eine Initiative, mit der wir Sie zu einem liebevolleren Umgang mit sich selbst einladen.
... wie kann es sein, dass Schüler ihre kindliche Neugier und ihre Lernfreude verlieren?
Was wirklich wichtig ist, das lernen wir außerhalb der Institutionen.
Tres chësc canal ulons fé al savëi a duc i nteressei coche l proiet Gaia va inant, cuntan y mustran nuviteies, velch dl’atività y vares mpurtanc. Oradechël ulons nce purté ite mpulsc y pensieres dla idea dl proiet.
(I messajes unirà scric baratan ju danter la rujenedes ladin, tudësch y talian.)
Che te posses sté saurì y te lecurdé for inò che nsci coche tu ies, avisa nsci, nsci ies adrët y unich! Ce bel che te ies tlo sul mond!
Acioche i tesć se lascia liejer plu saurì, ons suvënz mé adurvà una na forma di sesc. Sambën iel cun chësta forma minà sibe l ses feminil che chël masculin.
Acioche i tesć se lascia liejer plu saurì, ons suvënz mé adurvà una na forma di sesc. Sambën iel cun chësta forma minà sibe l ses feminil che chël masculin.
