La lia Gaia

pieta lueges de ancunteda

ulache n fej l’esperienza de unì udui y azetei nsci coche n ie

ulache possa crëscer l’amor per sé nstës, per i autri y per nosta tiera

per n cunviver n armunia

Mparé y crëscer te na maniera naturela dai 3-18 ani

Acioche mutons y mutans, jëuni y jëunes posse crëscer su se sentian bën nsci coche i/les ie, mantenian inant si legrëza naturela de descuvrì y de crië, per pudëi se svilupé te si miëura maniera puscibla.

– N proiet de scolina y scola te Gherdëina –

L*a mut*a tl zënter

Nrescides dij che mutons vën al mond cun na gran ueia de mparé y de descuvrì l mond. Sce i possa vester tl zënter de si troi de mparé, po’ ne passa chësta ueia nia, pona ons la cundizions otimeles per n mparé sot y cun legrëza, n mparé per la vita. L acumpaniadëur pea su si nteresc y njinia cundizions per pudëi se svilupé, nvian, ispiran y dajan snait.

A uniun l sie

Uni mut*a à si ponc de forza, unfat sce tl ciamp logich-matematich, dl artejanat, dl muviment, linguistich, dla mujiga y n.i. Uni nteligënza giapa si mpurtanza y lerch. La cumpetënzes de basa possa se furmé stersces y segures cun la dl’aurela che ie de bujën, tl drë’ mumënt cun l acumpaniamënt ndividuel. Chësc porta pro a na segureza de sé y autonomia tla vita.

L amor y i valores

La cumprenscion y l sentì dla emozions y di valores giapa almanco tan de atenzion, coche l ie unì dat nchin a śën ai dac y ai fac. Ne ie pa i valores la fundamëntes per n viver sarëin y de pesc te na cumenanza. L amor, la denità, la senzierità, l sentimënt de respunsabltà y de cuscienza ie la basa dl proiet.

Liam cun la natura

La natura pieta na varietà de esperienzes sensorieles coche degun liber o auter post ie bon de pité: tofs, formes, fueres, culëures, sëures y materiai che se muda for inò. Crescian su cun la natura sons boni de mantenì y renfurzé l liam naturel, se sentian pert de ëila y cialan cun amor lessù: sun sé nstës, sun i autri, sun nosta tiera.

Chisc pensieres va a una cun i resultac dla nrescides modernes sul cervel

Luegia dl proiet
de scolina y
de scola

Puntives

Grupa “Scolina”
Grupa “Scola elementera”
Pitla grupa “Scola mesana”

Per la iscrizions al ann de scolina/scola 2024/25

Iscrizion ala scolina

I genitores che ie nteressei tol su cuntat tres l formuler. Nes lasceron audì al plu prësc!

Iscrizion al proiet scolastich

N generel vën la iscrizion ala “scola elementera” a s’l dé tres la frecuenza dla scolina. Sce l ie mo lerch possl nce unì tëuc su mutons y mutans da d’autra scolines.
La streda per pudëi fé pea vëij danter l’auter nce dant na vijita te tlas da pert di genitores.

Proiet Scola Mesana

Plu nfurmazions te n valgun mënsc…

Te sta pa nce a ti a cuer che muto*ans posse crëscer su nsci?

Aldò dl nteres y dumanda da pert de genitores, lueges y acumpaniadëures a disposizion, pudëssel for inò se giaurì de nueva grupes!

Fé pea

Sëntes’a nteres de ulëi savëi deplù sun l proiet per pudëi lascé fé pea ti mut*a?

Lerch a disposizion

Es’a na lerch dedite y/o dedora da ulëi mëter a disposizion per na tel luegia?
O es’a vel idea de ulache na grupa pudëssa abiné na lerch?

Acumpaniadëur*a

Te savëssa pa bel a acumpanië i mutons/la mutans a chësta maniera śën o tl daunì? Ntan dut l ann o nce mé danterite y danterora per fé velch de particuler?

Sustëni finanziel

L miëur nvestimënt ie tl acumpaniamënt dla generazion che à da unì

Per pudëi pité de tel lueges ne possa Gaia nia fé cont cun cuntribuc dala man publica, perchël ulons mëter su na gran rë de sustenidëures acioche for plu y plu muto*ans posse crëscer su nsci!

Deberieda pudons smuever scialdi!

Son recunescënc per uni pitl o majer sustëni finanziel acioche l proiet posse pië via y duré tl tëmp.

Resta for ajurnà tres l canal sun Telegram!

Tres chësc canal ulons fé al savëi a duc i nteressei coche l proiet Gaia va inant, cuntan y mustran nuviteies, velch dl’atività y vares mpurtanc. Oradechël ulons nce purté ite mpulsc y pensieres dla idea dl proiet.
(I messajes unirà scric baratan ju danter la rujenedes ladin, tudësch y talian.)
Che te posses sté saurì y te lecurdé for inò che nsci coche tu ies, avisa nsci, nsci ies adrët y unich! Ce bel che te ies tlo sul mond!

Rengrazion per l sustëni!

Tlo pudëssen udëi nce TI logo!
Gaia vën a s’l dé de gra a truep cumëmbri sustenidëures y sponsores.
De gra de cuer, uni aiut ie per nëus de gran mpurtanza!
GAIA
Lia de tueda y furmazion per l’ert dl viver y mparé naturel per l svilup dl putenziel criatif

Gaia ie na lia de utl coletif

IBAN: IT41O0823858890000300053520

Acioche i tesć se lascia liejer plu saurì, ons suvënz mé adurvà una na forma di sesc. Sambën iel cun chësta forma minà sibe l ses feminil che chël masculin.

GAIA
Lia de tueda y furmazion per l’ert dl viver y mparé naturel per l svilup dl putenziel criatif

Gaia ie na lia de utl coletif

IBAN: IT41O0823858890000300053520

Acioche i tesć se lascia liejer plu saurì, ons suvënz mé adurvà una na forma di sesc. Sambën iel cun chësta forma minà sibe l ses feminil che chël masculin.