"Degun*a mut*a ne daussa pierder la ueia de mparé sota l acumpaniamënt de n grant!"

Nsenianc devënta acumpaniadëures

Ora dla perspetiva dl flurì di ponteziai vën i*la pedagogs*ghes udui*des coche partner dl dialog che ispirea, acumpaniadëures che nvieia a ndesfidedes y sustenidëures che dà curaje.

Cie cualiteies che i acumpaniadëures dëssa avëi?

Savëi…
ie mpurtant!  …ma ne n’ie nia assé…

Cumpetënzes…
ie mpurtantes! …ma ne n’ie nia assé…

I acumpaniadëures dëssa avëi n cër’ sentì dedite… ëi dëssa avëi legrëza sce i ie boni de nvië, ispiré y dé snait y ardimënt ai mutons a se nstradé coche de pitli scuvridëures dl mond…

Acumpaniadëures di proiec Gaia

Ntan dut l ann

Chësta persones acumpanieia i mutons di per di dala lueges. Ëi ie si persones de referimënt ntan dut l ann.

Danterite y danterora

Chësta persones va danterite y danterora dala lueges per fé velch de particuler cun i mutons y la mutans. Chësta ativiteies d’uni sort possa avëi na cërta regularità o nce mé vester zeche per un n iede.

Acumpaniadëures
#sezion tl vën laureda ora#

Isabella Mussner

Pascions y legrëzes particuleres

  • Descuvrì l mond deberieda ai mutons y ala mutans
  • Cianté
  • Sté tl bosch y sentì si pesc - Avëi cura dl mond y dla natura
  • Mantenì y sustenì la rujeneda ladina

Esperienzes

  • Cater ani de nseniamënt tla scola elementera de Urtijëi, nsenian cun l pensier de Maria Montessori y cun la didatica dla rujenedes ntegrela
  • Cin mënsc de nseniamënt te na scola auta tla Republica democratica dl Congo (Africa)
  • Acumpaniadëura ntan l'enes d'instà "Pavël"
  • Direzion mujighela dla grupa Hosianna cun jëuni y jëunes per 12 ani

Furmazions (istituzioneles y/o autodidatiches)

  • Lizeum pedagogich, direzion scienzes sozieles "Josef Gasser" a Persenon
  • Stude de "Scienzes dla furmazion primera" tla Università liedia de Bulsan cun spezialisazion tla integrazion
  • Educazion ala pesc: pensieres y pedagogia de Maria Montessori
  • "Wildnispädagogik Coyote-Teaching" - per n liam plu sot cun la natura
  • Ultima nrescides sun neurobiologia y tueda dl cervel, psicologia dl svilup y dl mparé (p.ej. Gerald Hüther, Howard Gardner)
  • Amor, senzierità, cunsapevulëza y respunsabltà - per n viver n armunia y pesc (p.ej. Neale Donald Walsch)

Alex Delucca

Pascions y legrëzes particuleres

  • Abiné la semplicità te n mond tan mat
  • Fé damat coche mesun per viver y mparé
  • Cialé de nosta tiera y natura
  • Capì coche dut ie fat per pudëi l mantenì y cuncé l plu giut che la va

Esperienzes

  • Cin mënsc de nseniamënt te na scola auta tla Republica democratica dl Congo (Africa)
  • Cursc de furmazion, assistënza tecnica y al utënt per 8 ani dala PCS a Urtijei
  • Cumëmber y presidënt dla lia Trix cun ngrum de ativiteis cun mëndri y jëuni
  • Lauré cun lën, strom, eletronica, prugramazion, mitel, mauta y forbes da 2 ani incà dal Escape Val Gardena

Furmazions (istituzioneles y/o autodidatiches)

  • Istitut tecnich, direzion nfurmatica, lizeum scentifich "J. PH. Fallmerayer" a Persenon
  • Curs de laurea nfurmatica "Università di studesc de Trënt, facultà de scienzes matematiches, fisiches y natureles"
  • Educazion ala pesc: pensieres y pedagogia de Maria Montessori
  • "Wildnispädagogik Coyote-Teaching" - per n liam plu sot cun la natura
  • Ultima nrescides sun neurobiologia y tueda dl cervel, psicologia dl svilup y dl mparé (p.ej. Gerald Hüther, Howard Gardner)
  • Amor, senzierità, cunsapevulëza y respunsabltà - per n viver n armunia y pesc (p.ej. Neale Donald Walsch)

Sëntes'a nce tu de ulëi acumpanië mutons y mutans da na tel luegia?

Nsci pudëssel povester se giaurì de nueva grupes! Se ncunferton sun té!

Sibe ntan dut l ann che per fé velch cun ëi*les danterite y danterora…

Te posses nce crì ora plu fasces de età
Assan legrëza a liejer nce ti curriculum vitae, che te posses nes mandé tres email clican diretamënter sun chësta frasa.
De gra!

De gra!
Se ncunferton sun Té...

Resta for ajurnà tres l canal sun Telegram!

Tres chësc canal ulons fé al savëi a duc i nteressei coche l proiet Gaia va inant, cuntan y mustran nuviteies, velch dl’atività y vares mpurtanc. Oradechël ulons nce purté ite mpulsc y pensieres dla idea dl proiet.
(I messajes unirà scric baratan ju danter la rujenedes ladin, tudësch y talian.)
Che te posses sté saurì y te lecurdé for inò che nsci coche tu ies, avisa nsci, nsci ies adrët y unich! Ce bel che te ies tlo sul mond!

Telegram

Rengrazion per l sustëni!

Tlo pudëssen udëi nce TI logo!
Gaia vën a s’l dé de gra a truep cumëmbri sustenidëures y sponsores.
De gra de cuer, uni aiut ie per nëus de gran mpurtanza!
Prosomed Logo
Ue judé nce ie!
GAIA
Lia de tueda y furmazion per l’ert dl viver y istruzion scolastica per l svilup dl putenziel criatif

Gaia ie na lia de utl coletif

Cuntat

Numer – ZVR: 1697054798

Acioche i tesć se lascia liejer plu saurì, ons suvënz mé adurvà una na forma di sesc. Sambën iel cun chësta forma minà sibe l ses feminil che chël masculin.

GAIA
Lia de tueda y furmazion per l’ert dl viver y istruzion scolastica per l svilup dl putenziel criatif

Gaia ie na lia de utl coletif

Cuntat

Numer – ZVR: 1697054798

Acioche i tesć se lascia liejer plu saurì, ons suvënz mé adurvà una na forma di sesc. Sambën iel cun chësta forma minà sibe l ses feminil che chël masculin.